?节目爆主题乐园灵异事件好惊惊 阿旦：有嗰味嘢几刺激
主题乐园有鬼？幻觉嚟?啫吓我唔到嘅！但係呢啲鬼故出自主题乐园员工把口又真係几惊！星期四ViuTV节目《又要威又要戴头盔》请咗4位主题乐园员工做嘉宾，分享咗几个乐园入面嘅鬼故，但係佢哋分享嘅其实只係冰山一角，识睇要睇留言，原来仲有好多传闻?！妈呀，我买咗全年票仲去唔去好呀？
员工分享最恐怖係讲乐园裡面黑妈妈个过山车，途中经过一个会转嘅星球，传闻有人见过一个小朋友坐咗喺上面，仲同旅客挥手，有唔少客人都话亲眼见过，万圣节期间有客人向员工讲：「点解将啲布景接到咁逼真，吓死我喇！」又有传闻话负责维修嘅人兄听到顶处有妹妹哼《快乐颂》，《快乐颂》点唱？自己google下。
另一个都係发生喺好受欢迎嘅游乐设施，就係坐住车仔玩嘅射击游戏，员工话呢个游戏每卡车只可以坐两个人，但相传有一对情侣玩玩下多咗个小朋友，但只得出口员工睇到，个小朋友仲做出「嘘」的手势示意员工唔好出声，更讲咗句：「我都只係想玩下啫，你唔出声咪得囉！」该员工吓到呆咗唔敢出声，两个入三个出，真係好惊呀。另外有个以狮子为题材嘅真人表演骚，每逢发现最上层有黑影出现的话，个骚就会坏机，表演被逼停止。
唔好以为新起嘅设施就冇事，员工提到一个以博物馆为主题嘅游览设施都有恐怖经历，事件发生喺某晚乐园关门后，客人都离开了，而负责拉闸的店铺职员将闸拉到一半的时候，听到一班小朋友衝过来的哈哈声，佢就停止拉闸，但等咗阵唔见有人以为自己听错，点知继续落闸时又再听见嘈吵声，于是佢透过闸缝望入去，就见到一班小朋友一字排开，但係全部只得一隻脚。
好惊？仲未完呀！森林主题区有大树屋，平时客人上树顶参观都会经过一隻假豹，假豹身上设有感应器，有人经过便会吼叫；有次乐园关门后一位维修人员上去检查，感应器正常，但当佢离开嘅时候，突然听到隻豹吼叫，佢回头望，见到一名红衣女子喺桥对岸望住佢，哗好恐怖呀！后来呢位维修人员辞咗职。
4个传闻都发生喺唔同嘅游乐设施，咁我哋避开呢几个设施咪唔惊囉！你又错喇！节目播出后，有网友喺ViuTV网页留言表示喺乐园有怪异经历，最邪係坐船欣赏世界各地风俗嘅游乐设施，有人发现有公仔一直望实佢，直到隻船驶到另一区仍然望住佢。又有疑似员工指上节目嘅都只係新员工，好多经典怪事都未知，例如门口水池凌晨发生过怪事，连酒店、canteen、office都有鬼故。唔通乐园真係咁猛？分分钟刺激过隔离乐园个万圣节喎！
ViuTV嘅阿旦邓洢玲都好锺意去呢个主题乐园，连美国最大嗰个乐园都去过，佢话睇完节目都觉得惊，但越惊越想玩喎：「有嗰味嘢都几刺激吖！乐园入面有啲恐怖游戏，玩玩下见到鬼咪更加逼真，又唔知係真嘢！」阿旦仲话：「其实边度都有鬼?啦！有啲生前可能冇钱去玩，死后唔使钱吖嘛，去流连下都唔出奇。」
本文来自投稿，不代表早谈创业网立场，作者：无心小姐，如若转载，请注明出处：https://www.zaotuan.com.cn/79472.html
版权声明：本文内容由互联网用户自发贡献，该文观点仅代表作者本人。本站仅提供信息存储空间服务，不拥有所有权，不承担相关法律责任。如发现本站有涉嫌抄袭侵权/违法违规的内容， 请发送邮件至 153055113@qq.com 举报，一经查实，本站将立刻删除。
